Eguraldia
Joxe Landaren iragarpena
Gaurko eguraldia

HEGO HAIZEA MUGITU, BAINA GIRO ONA

Atlantikoko borraska hurbiltzeak hego haizea mugituko du Euskal Herrian, baina txukun eta epel jarraituko du eguraldiak egunean zehar. Goiko hodei batzuk etorriko dira gauerako, baina ez dute euri arriskurik ekarriko. Haizeak apur bat molestatuko du zenbait lekutan, baina beste leku askotan giroa goxatu ere bai, behe laino eta ihintzak uxatuaz. Hego haizearen alde onak oraingoz, baina zakartzeko asmoarekin. Goietan gaur bertan pixka bat harrotuko da, baina oro har giro goxo eta atsegina lekurik gehienetan. Bihar hodei batzuk zeru sabaian eta hego haizea biziago.

Bihar

HEGO HAIZEA BIZIAGO ETA HODEIAK ZERU SABAIAN

Atlantikoko borraska mehatxuka dela, atzoko itxura mantenduko du aldaketatxo batzuk gorabehera. Tenperatura berdintsu, baina hego haizea apur bat biziago eta hodeiak zeru sabaian. Hala ere, itxura ona mantenduko du egunean zehar eta gauean hego haizea zakartu egingo da. Euri arriskurik batere ez lurralde osoan eta giro goxoa lekurik gehienetan, behe laino eta ihintzik batere gabe. Udazkeneko giro tipikoa, bere alde ona erakutsiz. Gaur gauetik nahasten hasiko da eta bihar goibeldu eta hego haizea zakarrago.

Joxe Landa. (Gorka RUBIO / ARGAZKI PRESS)