Elkartasun eredua, iruditan

Hatortxu Rockek ‘HTX20; Elkartasuna, eskuz esku’ argazki liburua aurkeztu du. Milaka pertsonen lan boluntarioak egin zuen posible elkartasun jaialdiaren 20. edizioa eta argazkiek auzolan erraldoi hori bildu dute. 200 irudi baino gehiago herritar askoren gogoan geratu den proiektu bat laburbiltzeko.

NAIZ|IRUÑEA|2017/11/27 21:10
Htx20_liburua3
‘Elkartasuna, eskuz esku’ liburua aurkeztu du Hatortxu Rockek.

«Hatortxu Rock 20 erraldoia izan zen. Askotan aipatu dugu. Hain handia izan zen emaitza, gauza asko gure bistatik kanpo ere geratu zirela. Hau dela-eta, elkartasun jaialdi erraldoia posible egin zuen auzolana argazki liburu batean bildu dugu». Hatortxu Rockek 20. edizioa antolatu zuen uztailaren azken asteburuan eta orain ‘HTX20; Elkartasuna, eskuz esku’ argazki liburuan bildu du.

Liburuak, agertokietan eta hauen aurrean gertatutakoa erakusteaz gain, hauen atzean bizitakoa ateratzen du azalera. Lehen hesiarekin auzolana hasi zen egunetik, azken zabor poltsa bildu arte. 200 argazki baino gehiago 152 orrialde dituen lanean. 6.000 pertsona inguru aritu ziren Lakuntzan lanean proiektu hau posible egiteko.

Ohar baten bidez azaldu dutenez, «kultura du aldarrikapen esparru Hatortxu Rockek». «Euskal errepresaliatu politikoen eta haien senideen eskubideen defentsa eta dispertsio politikaren salaketa. Normalean, musikaren bitartez jaialdi bat antolatuz». Aurten, ordea, lau eguneko jaialdi berezia antolatu zuten, 85 musika talde eta milaka lagunekin. «Hatortxu Rock 20ak hartutako pisua ikusita, beste ate batzuk ere jo ditugu. Ostegunean Iruñeko Golem Baiona zinemetan estreinatuko da ‘HTX20; Elkarrekin edozer dugu posible’ dokumentala, eta eskutik dator argazki-liburua ere».

Argazkilari taldea ere tamainakoa izan da. Gari Garaialde, Ander Gillenea eta Josu Truebaren Bostok Photo taldeaa, Saioa ‘Gauilunak’, Ibai Arrieta, Eider Iturriaga, Amaia Oca, Zuriñe Alava, Fermin Bidaurre eta Dabid Sanchez. Diseinua, Oiartso Los Arcosen esku egon da eta hitzaurrea, aldiz, antolakuntzako kide den Aitor Agirrezabalek egin du.

Liburua ostegunean jarriko da aurre-salmentan, dokumentalaren aurkezpenean, eta ondoren Durangoko Azokan ere lortzeko parada izanen da, Txalapartaren standean.

Iñaki VIGOR

El 22 de mayo de 1938 se produjo una de las mayores fugas carcelarias de la historia, y probablemente la mayor de Europa. Ocurrió aquí mismo, en la cima del monte Ezkaba, donde el Fuerte de Alfonso XII había sido transformado por los franquistas en una cárcel por la que pasaron miles de prisioneros republicanos. Aquel día, 795 hombres escaparon de la prisión, pero solo tres consiguieron llegar a la muga con Nafarroa Beherea. Todos los demás fueron detenidos o fusilados. Un sendero balizado de 53 kilómetros, que enlaza Ezkaba con Urepel, rememora los hechos ocurridos hace 80 años.

Natxo MATXIN

Hace 81 años que Eladio Zilbeti, uno de los fundadores de Osasuna y parte importante en la denominación del club rojillo, fue fusilado a manos de tropas franquistas por ser abertzale y de izquierdas. Su corta vida –murió a los 38 años–, sin embargo, dio para mucho, pues no solo se le puede vincular al ámbito deportivo de la época, sino que participó de manera activa en la vida cultural y política de la capital navarra.