Atxiloketak eta istiluak Iruñean ‘Errepresioari autodefentsa’ manifestazioan

‘Errepresioari autodefentsa’ lelopean Iruñean hainbat kolektibok deitu duten manifestazioan istiluak izan dira manifestarien eta Poliziaren artean. Gutxienez lau pertsona atxilotu dituzte.

NAIZ|IRUÑEA|2017/03/11 20:21
0312__iru_ea_copy_
Istiluetan amaitu da ‘Errepresioari autodefentsa’ lelopean abiatutako manifestazioa. (NAIZ.EUS)

Gaur arratsalderako zuten deitua azken asteetan garatutako dinamikaren amaiera gisa ‘Errepresioari autodefentsa’ lelopean manifestazioa hainbat kolektibok. 18.00k alderako ehunka batzuk elkartu dira San Frantzisko plazan eta manifestazioa abiatu dute hiru lagunek zeramaten pankarta buruan. 

Gutxira hasi dira istiluak Iruñeko alde zaharrean. Poliziak manifestazioa desegin du eta manifestariek hainbat objektu bota dizkiete hauei. Espainiako Gobernuak Nafarroan duen ordezkaritzak baimendu gabeko manifestazioa zela esan du eta gutxienez lau pertsona atxilotu dituztela adierazi dute.  

Hainbat indar politikok istiluen aurkako mezua zabaldu dute sare sozialetan. Gero Baik, adibidez, gaitzetsi egin ditu gertakariak eta Eusko Alkartasunaren Nafarroako kontutik gaur bizitakoa «lotsagarria» dela esan dute. Iruñeko EH Bilduk ere ohar motz baten bidez gertakariak gaitzetsi ditu. Joseba Asiron alkateak twitter bidez «kezka» adierazi du eta elkartasuna adierazi die tabernari eta bizilagunei. Bere aldetik, gaitzespen mezuak hedatu dituzte UPNk eta PSNk ere.

Gaurko mobilizazioarekin auzi ezberdinak salatzeko deia egina zuten antolatzaileek. Besteak beste honako kolektibok deitu zuten parte hartzera: Indar Gorri, Ikasle Abertzaleak, Amnistiaren Aldeko eta Errepresioaren Kontrako Mugimendua, Alde Zaharreko Gazteak, Errotxapeako Gaztetxea eta Hirekin.

ERLAZIONATUTAKO ALBISTEAK
Pello GUERRA

Un castillo que seguía modelos franceses, en cuya construcción se utilizaron materiales de la Navarrería arrasada treinta años antes, levantado en tan solo dos años y que contaba con tres puertas. Así era la fortaleza que el rey Luis el Hutín (el Obstinado o Testarudo) ordenó edificar en el siglo XIV en Iruñea para demostrar su poder y cuyos restos han aparecido en unas obras en la plaza que recuerda su existencia.

Aitor AGIRREZABAL

Arkaitz Ruiz (1989, Burlata) se formó en las canteras de Osasuna y Athletic y, tras pasar por varios equipos de 2ªB, hizo las maletas en busca de una nueva aventura. Así, se le abrieron las puertas del Dreams de Hong Kong, un nuevo equipo que compró plaza en la Premier League local, donde compite con conocidos futbolistas como Diego Forlán o el exosasunista Krisztian Vadocz.