Iruñeko Gaztelu enparantzatik abiatu da Euskal Herriko Itzulia gaur eguerdian

Nafar hiriburuak hartu du gaur Euskal Herriko Itzuliaren hasiera. Alberto Contador, Alejandro Valverde, Ion Izagirre, Michal Kwiatkowski edo Romain Bardet bezalako txirrindulariek jarriko dute saltsa.

NAIZ|IRUÑEA|2017/04/03 09:17
Int20170403010731
Itzulia abiatu da Iruñetik. (Iñigo URIZ / ARGAZKI PRESS)

Ohi baino ibilbide lauagoarekin, gaur hasi da Euskal Herriko Itzulia. Eta Iruñeko Gaztelu enparantzatik egin ere. Irteera 13:25ak aldera izan da, baina aurretik parte hartuko dute txirrindulariak ikusteko aukera izanen dute zaleek, taldeen aurkezpenarekin, 12:00etatik aurrera.

Gaurko etapa sprint handi baterako aproposa izan liteke, nahiz eta gizon azkar ugari ez egon Euskal Herriko Itzuli hontako tropelean. 153 kilometro egin beharko dituzte Iruñea eta Sarriguren artean, eta bidean Mezkiritz eta Erro gainditu beharko dituzten arren, ez da tropelan haustura handirik sortzeko moduko ibilbiderik.

Hau izanen da Itzuli honetako ezaugarrietako bat, aurreko urteetan baino ibilbide samurragoa dute-eta. Gaur eta bihar esprint handiak espero dira, eta Donostian eta Bilbon ere, onenen artean aldeak egotea oso zaila aurreikusten da.

Azken bi etapetan erabakiko da Itzulia. Arrateko ohiko helmugan, baina Matsaria gogorretik igota, eta larunbateko 27 kilometroko erlojupekoan.

ERLAZIONATUTAKO ALBISTEAK
Iñaki VIGOR

El 7 de mayo de 1967 Osasuna disputó su último partido en el histórico campo de Donibane, y cuatro meses después jugó su primer partido en El Sadar. Este estadio llegará pronto al medio siglo de existencia, mientras que el colectivo Indar Gorri cumplirá 30 años de su creación. Dos conmemoraciones que lamentablemente se van a ver empañadas por el descenso de Osasuna a Segunda División.