Elkarlana bultzatzeko baikor agertu dira Iruñeko Udala eta Udalbiltza

Iruñeko Udala eta Udalbiltza bildu egin dira nafar hiriburuan bi erakundeen arteko elkarlana sustatzeko bdieak aztertzeko. Joseba Asiron alkateak eta Luis Intxauspe Udalbiltzako lehendakariak aurreratu dutenez, hainbat ekimen aurten bertan gauzatzeko ahalegina eginen dute.

NAIZ|IRUÑEA|2017/03/20 16:33|0 iruzkin
Asiron-udalbiltza
Joseba Asiron Udalbiltzako kideekin bildu da. (Udalbiltza)

Iruñeko Udalak eta Udalbiltzak bilera egin dute bi erakundeen arteko elkarlana sustatzeko bideak aztertzeko, eta bilera ostean azaldu dute hainbat ekimen aurten bertan gauzatzeko ahalegina egingo dutela.

Iruñeko alkate Joseba Asiron eta Udalbiltzako lehendakari eta batzorde eragilearen kide Luis Intxauspe, Iratxe Lopez de Aberasturi eta Unai Lako bildu dira Iruñeko udaletxean. Udalbiltza Euskal Herriko gainerako erakundeekin egiten ari den bilera guztietan bezala, gaur egungo jardueraren berri eman diote alkateari.

Intxauspek eta Lopez de Aberasturik azaldu egin diote Asironi euren asmoa badela Euskal herriko hiriburuen arteko elkarlana sustatzea eta beste hiriburekin batera ekimen bateratuak egiteko proposamena lantzen ari dela jakinarazi diote. Bileraren ondorenIntxauspek eskertu egin du Asironen harrera eta esan du «baikor» irten dela bileratik erakunde desberdinen arteko «elkarlana sustatzeko borondatea» ikusi duelako.

Iñaki VIGOR

El 7 de mayo de 1967 Osasuna disputó su último partido en el histórico campo de Donibane, y cuatro meses después jugó su primer partido en El Sadar. Este estadio llegará pronto al medio siglo de existencia, mientras que el colectivo Indar Gorri cumplirá 30 años de su creación. Dos conmemoraciones que lamentablemente se van a ver empañadas por el descenso de Osasuna a Segunda División.