«Aldaketa politikoa aurrera doa baina tartean badaude konpondu beharreko itzalak. Argi eta garbi hitz egin nahi dugu eta hau da nafar jendartearekin konpartitu nahi duguna», esan du Ramirezek.

Bide batez, lau indar politikoen artean adostuko akordio programatikoaren garrantzia nabarmendu du EH Bilduko parlamentariak. «Hortan sakondu behar dugu, sakonduko dugu. Aztertu behar dira ere Nafarroako Gobernuan egiten ahal diren aldaketak Gobernu horri eraginkortasun eta sendotasun gehiago emateko», gaineratu du.

Erreflexiorako eta eztabaidarako unea dela nabarmendu du Ramirezek eta horretarako abuztuan eragile sozial, sindikal eta politikoekin bilduko dela aurreratu zuen.

Alde ilunei buruz galdetuta, Ramirezek Ikurren Lege berria oraindik onartu ez izana edo Aroztegiako egitasmoa aipatu ditu.